Վայոց ձորի մարզպետի աշխատակազմ

   ԼՂ բռնի տեղահանված և Վայոց ձորի մարզում բնակվող անձանց իրազեկման աշխատանքների շրջանակներում հերթական հանդիպումը նոյեմբերի 1-ին Եղեգնաձորի համայնքի Մալիշկա բնակավայրում էր։ Վայոց ձորի մարզպետի տեղակալ Արսեն Խաչատրյանը, Եղեգնաձոր համայնքի ղեկավարի տեղակալ Կարեն Բաբայանը, մարզպետի աշխատակազմի առողջապահության և սոցիալական ոլորտի հարցերի վարչության գլխավոր մասնագետ Ցողիկ Բաբայանը և Եղեգնաձորի համայնքապետարանի առաջատար մասնագետ Մարիամ Սայադյանը մեր հայրենակիցներին տեղեկացրեցին, որ ՀՀ աշխատանքի և սոցիալական հարցերի նախարարությունը մշակել է 2025 թվականից գործարկման նախատեսվող նորացված աջակցության ծրագիր՝ հաշվի առնելով ԼՂ հայրենակիցների հետ տարբեր ձևաչափերով կայացած հանդիպումները և դրանց շրջանակում ստացած առաջարկ-դիտարկումները։ Համաձայն ծրագրի՝ ԼՂ-ից բռնի տեղահանված անձանց կեցության և այլ ծախսերը հոգալու նպատակով 2025թ․ նախատեսվում է տրամադրել աջակցության ծրագիրը հետևյալ ձևաչափերով․
2025 թ. հունվար-մարտ ամիսների համար աջակցության ամսական չափը կկազմի 50,000 դրամ՝ նույն շահառու խմբերի համար։

  Գործող միջոցառման շրջանակում տրամադրվող 10,000 դրամ աջակցության բաղադրիչն այլևս չի շարունակվի։
2025 թ․ ապրիլ ամսվանից նախատեսվում է սոցիալական աջակցություն տրամադրել բռնի տեղահանված առանձին խմբերի այն անձանց, ովքեր փաստացի բնակվում են ՀՀ-ում, հաշվառված են ՆԳՆ միգրացիայի և քաղաքացիության ծառայության կողմից և`
• ունեն 1-ին կամ 2-րդ խմբի հաշմանդամություն կամ ֆունկցիոնալության սահմանափակման խորը կամ ծանր աստիճան,
• 63 և ավելի տարեկան են,
• ստանում են կերակրողին կորցնելու դեպքում նպաստ,
• մինչև 18 տարեկան երեխա են։
Այս դեպքում՝ սոցիալական աջակցության ամսական չափը յուրաքանչյուր շահառուի համար նախատեսվում է՝
• 2025 թ. ապրիլ ամսվանից մինչև հունիս ամիսը ներառյալ՝ 40,000 դրամ,
• 2025 թ․ հուլիս ամսվանից մինչև դեկտեմբեր ամիսը ներառյալ՝ 30,000 դրամ:
Հանդիպման ընթացքում քննարկվեցին ԼՂ բռնի տեղահանված անձանց հետաքրքրող այլ հարցեր ևս, տրվեցին պարզաբանումներ, արձանագրվեցին մի շարք խնդիրներ իրավասությունների շրջանակում լուծումներ տալու համար։