Վայոց ձորի մարզպետի աշխատակազմ

   
  Միասնական սոցիալական ծառայության Եղեգնաձորի տարածքային կենտրոնի նիստերի դահլիճում ՀՀ Վայոց ձորի մարզպետի տեղակալ, հաշմանդամություն ունեցող անձանց հարցերով զբաղվող մարզային հանձնաժողովի նախագահ Բագրատ Սողոմոնյանի գլխավորությամբ և մարզպետի աշխատակազմի առողջապահության և սոցիալական ոլորտի հարցերի վարչության համակարգմամբ տեղի ունեցավ ՀՀ Վայոց ձորի հաշմանդամություն ունեցող անձանց հարցերով զբաղվող մարզային հանձնաժողովի հերթական նիստը։
   Նիստին մասնակցում էին հանձնաժողովի անդամները, ՀՀ աշխատանքի և սոցիալական հարցերի նախարարության հավասար հնարավորությունների ապահովման վարչության հաշմանդամություն ունեցող անձանց հիմնահարցերի բաժնի պետ Աննա Հակոբյանը, ՀՀ կառավարության 08.06.2023թ. N 943-Լ որոշմամբ հաստատված հաշմանդամություն ունեցող անձանց սոցիալական ներառման 2023-2027 թթ. համալիր ծրագրի մշտադիտարկման և գնահատման աշխատանքային խմբի ղեկավար Վանիկ Այվազյանը։ Հրավիրված էին համայնքների սոցիալական աշխատողները։
   Օրակարգի 5 հարցերն էին․
• ՀՀ կառավարության 2023թ. հունիսի 8-ի «Հաշմանդամություն ունեցող անձանց սոցիալական ներառման 2023-2027 թվականների համալիր ծրագրով և ծրագրի իրականացումն ապահովող միջոցառումների ցանկը հաստատելու մասին» N 943-Լ որոշման ներկայացում, որոշմամբ հաստատված միջոցառումների ցանկով մարզպետի աշխատակազմի կատարմանը վերապահված կետերի ներկայացում և անելիքների քննարկում:
• Հաշմանդամություն ունեցող անձանց հարցերով զբաղվող մարզային հանձնաժողովի կողմից հաշմանդամություն ունեցող անձանց սոցիալական ներառմանն ուղղված՝ 2023-2024թ. ընթացքում կատարած աշխատանքների ներկայացում:
• Հաշմանդամություն ունեցող անձին անձնական օգնականի ծառայություն տրամադրելու հետ կապված հարցերի մասին:
• Անձի ֆունկցիոնալության գնահատման համակարգը, դրա սկզբունքային տարբերությունները նախկին՝ բժշկասոցիալական փորձաքննության համակարգից, ֆունկցիոնալության գնահատման ընթացակարգը։
• Համալիր ծրագրի մշտադիտարկման և գնահատման Վայոց ձորի մարզում իրականացվող աշխատանքների, խնդիրների, դրանց հաղթահարման վերաբերյալ։
   Զեկույցներից հետո ծավալվեց քննարկում, հնչեցին առաջարկներ, կայացվեցին համապատասխան որոշումներ։