Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզում կիրականացվի <<Վերսկսելով միասին․ տեղահանված ընտանիքների վերաինտեգրումն ու զարգացումը>> ծրագիրը
01.10.2024
ՀՀ Վայոց ձորի մարզպետի աշխատակազմի առողջապահության և սոցիալական ոլորտի հարցերի վարչության մասնագետները սեպտեմբերի 30-ին Վայք և Արենի համայնքներում մասնակցեցին <<Մանկական զարգացման հիմնադրամի>> կողմից իրականացվելիք <<Վերսկսելով միասին․ տեղահանված ընտանիքների վերաինտեգրումն ու զարգացումը>> ծրագրի քննարկմանը։
Ծրագրի նպատակն է ապահովել Լեռնային Ղարաբաղից տեղահանված ընտանիքների համար համապարփակ սոցիալական աջակցություն և հյուրընկալ համայնքներում լիարժեք ինտեգրում։
Ծրագրի շրջանակներում առաջարկվում է.
- Սոցիալական աշխատանք
- Իրավաբանական խորհրդատվություն
- Կրթական դասընթացներ
- Փափուկ հմտությունների զարգացում
Կլոր սեղան հանդիպման նպատակն էր ոչ միայն ծրագրի մասին իրազեկվածության մակարդակի բարձրացումը, այլև առաջարկվող սոցիալական ծառայությունների բարձր որակը և արդյունավետությունն ապահովելու համար սոցիալական համագործակցության և սոցիալական պաշտպանության ոլորտում բոլոր դերակատարների կարևորության շեշտադրումը։
Քննարկումների ավարտից հետո Համագործակցության հուշագրեր կնքվեցին <<Մանկական զարգացման հիմնադրամի>> /տնօրեն՝ Լուսինե Սիմոնյան/ և Վայքի և Արենիի համայնքապետարանների միջև։
