Վայոց ձորի մարզպետի աշխատակազմ

   ՀՀ ՆԳՆ Փրկարար ծառայության Վայոց ձորի մարզային վարչության հարգելի՛ աշխատակիցներ, հպարտորեն շնորհավորում եմ ձեզ մասնագիտական տոնի առթիվ։
Փրկարարը, մասնագիտություն լինելուց զատ,կոչում և առաքելություն է, ապրելակերպ, որն ամփոփում է խիզախության և կարեկցանքի, քաջության ու նվիրումի, արագ ու օպերատիվ արձագանքելու և գործելու լավագույն դրսևորումները։
   Ձեր պատասխանատու և նվիրված աշխատանքի արդյունքում տասնամյակների ընթացքում ոչ միայն կայացել է համակարգը, այլև վաստակել հասարակության սերն ու հարգանքը,վստահությունն ու համակրանքը։ Քաղաքացին մշտապես բարձր է գնահատել ձեր աշխատանքի արդյունքները, զգացել ձեր աջակցությունը դժվարին և բարդ պահերին։
   Շարունակե՛ք նույն կերպ սատարել քաղաքացուն,փրկել կյանքեր, անելանելի իրադրություններում գտնել ելքեր, մնալ հասարակության և պետության անվտանգությունն ապահովող կարևորագույն օղակներից մեկը։ Ձեր արհեստավարժությամբ և մարդասիրական ծառայությամբ շարունակե՛ք դիմագրավել մարտահրավերներին և փորձություններին, գտնել դրական լուծումներ։
   Կրկին շնորհավորելով մասնագիտական տոնի առթիվ՝ մաղթում եմ խաղաղություն, անվտանգ ծառայություն, հաջողություններ և մասնագիտական ձեռքբերումներ։