Վայոց ձորի մարզպետի աշխատակազմ

     Սիրով հրավիրում ենք 2024 թվականի հուլիսի 26-ին ներկա գտնվելու «Մարզերում երիտասարդ օպերային երգիչներ» ծրագրի միջոցառմանը, որն իրականացվում է «Տաղանդավոր երիտասարդների զարգացման հիմնադրամ»-ի նախաձեռնությամբ և ՀՀ կրթության, գիտության, մշակույթի և սպորտի նախարարության աջակցությամբ։
   Միջոցառման շրջանակներում հանրապետության հմուտ և փորձառու մասնագետների կողմից ՀՀ Վայոց ձորի մարզի Եղեգնաձորի երաժշտական դպրոցում կանցկացվի վարպետության դասընթաց (սկիզբը՝ ժամը 13։00-ին) մարզի մանկավարժների և պատանի վոկալիստների համար, իսկ նույն օրը՝ ժամը 15։00-ին, վոկալ երաժշտության համերգով հանդես կգան Ա. Սպենդիարյանի անվան օպերայի և բալետի ազգային ակադեմիական թատրոնի երիտասարդական օպերային ծրագրի (Young Artists Opera Program) մասնակիցները:
   Ծրագրի ղեկավար՝ Լևոն Ջավադյան, կոնցերտմայստերներ՝ Հասմիկ Հովսեփյան, Լիլիթ Աբովյան: Համերգին կհնչեն հայ և արևմտաեվրոպական կոմպոզիտորների ստեղծագործություններ:
   Վարպետության դասը կվարեն Երիտասարդական օպերային ծրագրի ղեկավար Լևոն Ջավադյանը և Ա. Սպենդիարայի անվան ազգային ակադեմիական թատրոնի առաջատար մեներգչուհի Օֆելյա Համբարձումյանը:
   Մուտքն ազատ է։Սիրով սպասում ենք ձեզ։