Վայոց ձորի մարզպետի աշխատակազմ

   ՀՀ Զինված ուժերի կազմավորման 32-րդ տարեդարձի միջոցառումների շրջանակում Վայոց ձորի մարզպետ Կ. Միքաելյանը մարզպետի աշխատակազմի ներկայացուցիչների, ուժային կառույցների տարածքային մարմինների ղեկավարների հետ հունվարի 29-ին այցելել է Վայոց ձորի մարզում տեղակայված N զորամիավորում և զորամասեր։
   Շնորհավորելով զինվորականներին ՀՀ Զինված ուժերի կազմավորման 32-րդ տարեդարձի առթիվ՝ մարզպետը բարձր է գնահատել մարտահրավերներով լի ժամանակահատվածում նրանց ներդրած ջանքները բանակի մարտունակության բարձրացման, բանակաշինության, պետության անվտանգության ապահովման գործում։Նա մաղթել է զինծառայողներին իրենց ազգանվեր առաքելությունում զգոնություն, հայրենիքին ծառայելու բարձր գիտակցում և անվտանգ ծառայություն։
   Վայոց ձորի մարզպետ Կ. Միքաելյանի կողմից հայրենիքի պաշտպանության ու անվտանգության գործում ցուցաբերած մեծ նվիրումի, արիության և անմնացորդ ծառայության համար մի շարք զինվորականներ արժանացել են շնորհակալագրերի։