Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
<<2023 թվականին Հայաստանում ռուսաց լեզվի լավագույն ուսուցիչ>> մրցույթում հաղթել է Արփիի դպրոցի ուսուցչուհի Նատաշա Սայամյանը
17.01.2024
Ռուսաստանի Դաշնության գիտության և բարձրագույն կրթության նախարարությունը և Պուշկինի անվան ռուսաց լեզվի պետական ինստիտուտը համատեղ անցկացնում են <<Հայաստանում ռուսաց լեզվի լավագույն ուսուցիչ>> մրցույթը։
14-րդ ազգային մրցույթում այս տարի հաղթող է ճանաչվել ՀՀ Վայոց ձորի մարզի Արփիի Վահիկ Լևոնյանի անվան միջնակարգ դպրոցի ռուսաց լեզվի ուսուցչուհի Նատաշա Սայամյանը։ Նա ստացել է առաջին աստիճանի դիպլոմ և հավաստագիր, որը նրան 2024 թվականին ուսուցչի որակավորման բարձրացման իրավունք է տալիս Պուշկինի անվան ռուսաց լեզվի պետական ինստիտուտում։
Ի դեպ, 2023 թվականի դեկտեմբերին Նատաշա Սայամյանը ստացել է շնորհակալագիր ՀՀ Վայոց ձորի մարզպետ Կ․Միքաելյանից սերունդներին կրթելն ու դաստիարակելը կյանքի բացարձակ առաջնահերթություն համարելու, իր մասնագիտական առաքելությունն անտրտունջ իրականացնելու համար։
Շնորհավորում ենք ուսուցչուհուն՝ մաղթելով մասնագիտական նոր հաջողություններ և ձեռքբերումներ ինքնատիպ գաղափարների իրականացման ճանապարհին։
