Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Շարունակվում է համագործակցությունը Վայոց ձորի մարզի և Ճապոնիայի դեսպանատան միջև
25.10.2023
Հոկտեմբերի 24-ին ՀՀ Վայոց ձորի մարզպետ Արարատ Գրիգորյանը ներկա գտնվեց Վայքի համայնքապետարանի և Ճապոնիայի դեսպանատան միջև <Վայք համայնքի <Զառիթափի մանկապարտեզ> ՀՈԱԿ-ի առաջին մասնաշենքի վերանորոգում> դրամաշնորհային ծրագրի ստորագրման արարողությանը:
Պայմանագիրը ստորագրեցին Վայքի համայնքապետ Մխիթար Մաթևոսյանը և Ճապոնիայի արտակարգ և լիազոր դեսպան Ն.Գ. Մասանորի Ֆուկուշիման։
Մարզպետ Արարատ Գրիգորյանը շնորհավորեց կողմերին արձանագրված հաջողության համար և, ընդգծելով ծրագրի կարևորությունը, նշեց․ <Մեր երեխաները մեր երկրի կայուն զարգացման և հուսալի ապագայի կարևորագույն երաշխիքն են, որի հիմքը դրվում է նախադպրոցական ուսումնական հաստատություններում։ Եվ եթե մենք այսօր նրանց համար ապահովենք հասարակության լիարժեք անդամ ձևավորվելու նախադրյալները, վաղը մենք կունենանք կրթված, ուժեղ և նպատակասլաց սերունդ>:
Ճապոնիայի դեսպանատան կողմից ֆինանսավորվող ծրագրի հիմնաքարը նախադպրոցական երեխաների ուսումնական միջավայրի բարեկարգումն է: Մանկապարտեզի դասասենյակները կվերանորոգվեն և կապահովվեն անհրաժեշտ հարմարություններով՝ նպաստելով Զառիթափ բնակավայրի երեխաների՝ հարմարավետ միջավայրում իրենց կրթական ճանապարհորդությունը լավագույն կերպով սկսելուն։
