Վայոց ձորի մարզպետի աշխատակազմ

   ՆԳՆ Փրկարար ծառայության հարգելի՛ աշխատակիցներ, ջերմորեն շնորհավորում եմ ձեզ մասնագիտական տոնի առթիվ։
   Փրկարար լինելը լոկ մասնագիտություն չէ, այլ բարձր կոչում և առաքելություն։ Տասնամյակներ շարունակ աշխատելով այդ գիտակցմամբ՝ փրկել եք մարդկային կյանքեր, սատարել կյանքի դժվարին իրավիճակում հայտնված մարդկանց, երբեմն անհնարին թվացող իրավիճակներում գտել հաջող ելքեր։
   Հավատարիմ մնալով ձեր մարդասիրական սկզբունքներին և մասնագիտական պարտականություններին՝ հաճախ վտանգել եք ձեր կյանքը, առողջությունը, սակայն չեք ընկրկել դժվարությունների առջև, ընդառաջ եք գնացել մարտահրավերներին և պատվով լուծել խնդիրները։
   ՀՀ քաղաքացին մշտապես զգացել է ձեր աջակցությունը, ըստ արժանվույն գնահատել ձեր բարդ աշխատանքը, որի ապացույցը նրա մեծ հավատն ու անսահման վստահությունն է ձեր աշխատանքի նկատմամբ։ Շարունակե՛ք աշխատել նույն ոգով, նույն անձնվիրությամբ, նույն արհեստավարժությամբ։
   Մեկ անգամ ևս շնորհավորելով մասնագիտական օրվա առթիվ՝ ցանկանում եմ բոլորիդ անվտանգ ծառայություն, մասնագիտական հաջողություններ և ձեռքբերումներ։