Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ծիրանի փառատոն Վայոց ձորի մարզում
31.07.2023
Հուլիսի 30-ին Վայոց ձոր մարզի Ջերմուկ համայնքի Գնդեվազ գյուղում անցկացվեց անուշահամ և կարմրաթուշ ծիրանի փառատոնը՝ «Ծիրան FEST»-ը, որն առաջին անգամ էր կազմակերպվել Հայաստանում «Ջերմուկի երիտասարդական կենտրոնի» կողմից:
Փառատոնի նպատակն էր մեկ անգամ ևս ցույց տալ ազգային արժեքները, ամրապնդել և պահպանել հայկական ոգին և ավանդույթները, նպաստել մարզում զբոսաշրջության ոլորտի զարգացմանը։
Փառատոնի ընթացքում ներկայացված էին հայկական մշակույթը լավագույն կերպով խորհրդանշող ծիրանը, ծիրանից պատրաստված անմահական հյութերը, պահածոները, չրերը։
Առանձին տաղավարներում ներկայացված էին նաև տարատեսակ խոտաբույսեր, դեղաբույսեր և այլ:
Փառատոնի ընթացքում այցելուներին հնարավորություն ընձեռվեց ծանոթանալ մարզի տաղանդավոր մարդկանց՝ արհեստի և արվեստի աշխատանքներին:
Տոնական տրամադրությունն էլ ապահովեցին մարզի երաժշտական խմբերն ու անհատ կատարողները, ինչպես նաև մայրաքաղաքից ժամանած երաժիշտները։
