Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետի աշխատակազմում անցկացվեց Արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող մարզային հանձնաժողովի նիստը
19.06.2023
ՀՀ Վայոց ձորի մարզպետի աշխատակազմում 2023 թվականի հունիսի 16-ին անցկացվեց Արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող մարզային հանձնաժողովի առաջին նիստը:
Նիստը նախագահում էր ՀՀ Վայոց ձորի մարզպետի աշխատակազմի գյուղատնտեսության և շրջակա միջավայրի պահպանության վարչության պետ Գեղամ Մարգարյանը (հանձնաժողովի նախագահի տեղակալ), քարտուղարում էր ՀՀ Վայոց ձորի մարզպետի աշխատակազմի անձնակազմի կառավարման, փաստաթղթաշրջանառության և հասարակայնության հետ կապերի վարչության պետ Սրբուհի Դավթյանը (հանձնաժողովի քարտուղար):
Նիստին մասնակցում էին մարզպետի աշխատակազմի տարբեր ստորաբաժանումների ներկայացուցիչներ, մարզում գործող այլ պատասխանատու կառույցների աշխատակիցներ։
Օրակարգում արտակարգ իրավիճակների հետևանքով պատճառված վնասները գնահատող համայնքային հանձնաժողովների կազմած արձանագրությունների և տվյալների ներկայացման, ինչպես նաև արտակարգ իրավիճակների ռիսկերի նվազեցմանն ուղղված միջոցառումների գործողությունների հարցերն էին։ Հունվարից մինչ օրս մարզի տարբեր համայնքներում ցրտահարության /Գոմք, Արին, Զեդեա/, կարկտահարության /Հերհեր/, ուժեղ քամու /Զառիթափ/ և հողաշերտի սահքի /Շատին/ պատճառով հասցվել է որոշակի նյութական վնաս։
Հանձնաժողովը հաստատեց ներկայացված փաստական տվյալները և որոշեց դրանք ներկայացնել ՀՀ ներքին գործերի նախարարության փրկարար ծառայություն՝ գործողությունների շարունակական ընթացքն ապահովելու համար:
