Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Ռազմական համալսարանի պետի հետ հանդիպում Վայոց ձորի մարզպետարանում

21.03.2023

      Սույն թվականի մարտի 17 -ին Վայոց ձորի մարզպետարանի նիստերի դահլիճում ՀՀ Վայոց ձորի մարզպետ Արարատ Գրիգորյանի գլխավորությամբ հանդիպում տեղի ունեցավ ՀՀ ՊՆ Վազգեն Սարգսյանի անվան ռազմական համալսարանի պետ, գնդապետ Արթուր Երոյանի հետ:

      Մասնակցում էին ՀՀ պաշտպանության նախարարի օգնական Հարություն Մաթևոսյանը, ՀՀ ՊՆ զորակոչային, զորահավաքային համալրման ծառայության Վայոց ձորի տարածքային ստորաբաժանման ղեկավարի տեղակալ Սիփան Հայրապետյանը:

      Օրակարգում ներառված էին ռազմական համալսարան-դպրոց-համայնք հարաբերություններին վերաբերող մի շարք հարցեր:

     Օրակարգային հարցերը քննարկվեցին Վայոց ձորի մարզպետարանի զորահավաքային նախապատրաստության բաժնի ղեկավարի, կրթության, մշակույթի և սպորտի վարչության պետի, մարզի հանրակրթական ուսումնական հաստատությունների տնօրենների, զինղեկների և բնակավայրերի զորահավաքային պատասխանատուների հետ:

      Ողջույնի խոսքում մարզպետ Արարատ Գրիգորյանը կարևորեց համալսարան-դպրոց-համայնք հարաբերությունները մշտապես արդիականացնելու հարցերը:

     Գնդապետ Արթուր Երոյանը տեղեկություններ ներկայացրեց ռազմական համալսարանում իրականացվող բարեփոխումների, ռազմական համալսարանի ուսանողների և շրջանավարտների համար իրականացվող նոր ծրագրերի, մասին:

     Քննարկման ընթացքում հանդիպման մասնակիցներն իրենց հետաքրքրող բոլոր հարցերն ուղղեցին բանախոսներին։

      Ամփոփելով խորհրդակցությունը, մարզպետ Արարատ Գրիգորյանը համապատասխան հանձնարարականներ տվեց դպրոցի տնօրեններին և մարզի բնակավայրերի զորահավաքային պատասխանատուներին:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 16:08:58