Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Արարատ Գրիգորյանը ներկա է եղել Եղեգնաձորի երաժշտական դպրոցում կազմակերպված տոնական համերգին
13.03.2023
Եղեգնաձորի երաժշտական դպրոցի Ֆիլիպ Բալոյանի անվան համերգային դահլիճում տեղի ունեցավ կանանց միամսյակին նվիրված տոնական համերգ:
Ներկա էին ՀՀ Վայոց ձորի մարզպետ Արարատ Գրիգորյանը, մարզպետարանի կրթության, մշակույթի և սպորտի վարչության պետ Տատյանա Պոլուդնիցինան, մարզպետարանի, Եղեգնաձորի համայնքապետարանի, մշակութային կազմակերպությունների ներկայացուցիչներ, ծնողներ և hյուրեր:
Համերգի ընթացքում հնչեցին գործիքային, վոկալ և երգչախմբային գեղեցիկ կատարումներ, կնոջը մեծարող բանաստեղծություններ:
Դպրոցի տնօրենը շնորհակալություն հայտնեց մարզպետ Արարատ Գրիգորյանին, համերգին ներկա գտնվելու համար:
Արարատ Գրիգորյանը ողջունեց միջոցառման մասնակիցներին, շնորհակալություն հայտնեց դպրոցի սաներին, նրանց ուսուցիչներին և տնօրեն Արթուր Կարապետյանին հագեցած համերգային ծրագրի համար: Մարզպետը կարևորեց երաժշտական դպրոցի ուսուցիչների ներդրած ջանքերն իրենց սաների մշակութային կրթության և նրանց մոտ գեղագիտական ճաշակ ձևավորելու գործում: Մարզպետը կանանց միամսյակի կապակցությամբ շնորհավորեց դահլիճում ներկա բոլոր կանանց, կարևորեց հայ կնոջ դերը երեխաների դասատիարակության և կյանքի դժվարին պահերին ընտանիքին նեցուկ լինելու գործում, մաղթելով նրանց երջանկություն, աշխատանքային հաջողություններ ու ներդաշնակ ընտանեկան կյանք:
Համերգային ծրագիրը գեղեցիկ կատարումով ավարտեց դպրոցի տնօրեն Արթուր Կարապետյանը:
Միջոցառմանը մասնակից կանանց հիշողության մեջ երկար կմնա իրենց պատվին հնչած երգերի ու բանաստեղծությունների տպավորությունները և նվեր ստացած վարդերի բույրը:
