Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Կանանց միջազգային օրվա կապակցությամբ
08.03.2023
Սիրելի՛ կանայք, ջերմորեն շնորհավորում եմ ձեզ Կանանց միջազգային օրվա՝ Մարտի 8-ի կապակցությամբ:
Գարնանաբույր այս տոնը ևս մի գեղեցիկ առիթ է մեր սերն ու հարգանքն արտահայտելու, գնահատանքի ու մեծարանքի խոսքերն ուղղելու հայ կնոջը, ընտանիքի հանդեպ տածած անսահման սիրո ու անմնացորդ նվիրումի համար:
Անուրանալի է հայ կնոջ դերը սերունդների դաստիարակության, կրթության և ընտանիքի ամրության ապահովման, ուստիև ազգապահպանության գործում:
Կանայք, իրենց դաստիարակած հայրենասեր սերունդներով, կարևոր դերակատարություն ունեն նաև հայրենիքի պաշտպանության գործում:
Անգնահատելի է կանանց ներդրումը երկրի գիտության ու տնտեսության ամենատարբեր ոլորտում, հասարակական ու քաղաքական կյանքում, հետևաբար նաև պետության զարգացման գործընթացում:
Վայոցձորցի հարգարժա՛ն տիկնայք, սիրելի մայրեր ու տատիկներ, նազելի քույրեր ու դուստրեր, կրկին շնորհավորում եմ ձեզ, մաղթում եմ առողջություն, ընտանեկան երջանկություն, անսահման սեր ու հոգածություն:
Ձեզ մշտապես խաղաղ ու անհոգ գարուններ:
