Վայոց ձորի մարզպետի աշխատակազմ

     Սույն թվականի փետրվարի 21-ին Վայոց ձորի մարզպետարանի խորհրդակցությունների սենյակում տեղի ունեցավ ՀՀ Վայոց ձորի մարզային խորհրդի 2023 թվականի առաջին նիստը՝ Վայոց ձորի մարզպետ Արարատ Գրիգորյանի գլխավորությամբ:

       Նիստին մասնակցում էին մարզխորհրդի անդամները, ինչպես նաև մարզի դատախազը, ՀՀ ԳՄ տարածքային ծառայությունների, Եղեգնաձորի բժշկական կենտրոնի, Վայքի բուժական միավորման, մարզպետարանի համապատասխան ստորաբաժանումների ղեկավարները, մարզի համայնքների ղեկավարների տեղակալներ:

     Օրակարգում ընդգրկված էր ներքոշարադրյալ հարցերը՝

1.Համայնքների սեփական եկամուտների (01.02.2023թ դրությամբ) հավաքագրման վերաբերյալ:
2. Գնումների համակարգի կոռուպցիոն ռիսկերի վերաբերյալ:
3.Համայնքների ղեկավարների և ավագանիների որոշումների վերաբերյալ:
4.Համայնքներ ուղղված գրությունների վերաբերյալ:
5.2022 և 2023թթ. սուբվենցիոն ծրագրերի վերաբերյալ:
6. Սուբվենցիոն ծրագրերի ընթացիկ և ավարտական փաստաթղթերի ներկայացման ժամկետների վերաբերյալ:
7.Մարզպետի գաղտնի որոշման վերաբերյալ (համապատասխան ընթացակարգով):

    Մարզպետ Արարատ Գրիգորյանը ողջունեց նիստի մասնակիցներին և ներկայացրեց օրակարգը:
Առաջին և երկրորդ հարցերը ներկայացրեց ՀՀ Վայոց ձորի ֆինանսական և սոցիալ տնտեսական զարգացման վարչության ֆինանսատնտեսագիտական բաժնի պետ Անահիտ Սարգսյանը:
Քննարկվեց 01.02.2023թ դրությամբ համայնքների սեփական եկամուտների հավաքագրման արդյունքները և գնումների համակարգի կոռուպցիոն ռիսկերի վերաբերյալ հարցեր:

     Համայնքների ղեկավարների ու ավագանիների որոշումների և համայնքներ ուղղված գրությունների վերաբերյալ հարցերը ներկայացրեց ՀՀ Վայոց ձորի մարզպետարանի իրավաբանական բաժնի պետ Նարինե Մաղաքյանը:

      2022 և 2023թթ. սուբվենցիոն ծրագրերի և սուբվենցիոն ծրագրերի ընթացիկ և ավարտական փաստաթղթերի ներկայացման ժամկետների վերաբերյալ զեկուցումով հանդես եկավ ՀՀ Վայոց ձորի մարզպետարանի զարգացման ծրագրերի, զբոսաշրջության և վերլուծության բաժնի պետ Արամ Կոստանյանը:

    ՀՀ Վայոց ձորի մարզպետի N(գաղտնի) որոշումը համապատասխան ընթացակարգով ներկայացրեց ՀՀ Վայոց ձորի մարզպետարանի զորահավաքային նախապատրաստության բաժնի պետ Վանիկ Խուդավերդյանը:

      Նիստի ավարտին մարզպետ Արարատ Գրիգորյանն արդյունավետ քննարկումների համար շնորհակալություն հայտնեց նիստի մասնակիցներին և բոլորին մաղթեց աշխատանքային հաջողություններ:

       Մարզխորհրդի արձանագրությունը սահմանված ժամկետում կտեղադրվի մարզպետարանի կայքէջի <Մարզպետարան> բաժնի <Մարզխորհրդի նիստեր> ենթաբաժնում:
Նիստի արձանագրությանը կարող եք ծանոթանալ այցելելով հետևյալ հղումով՝ http://vdzor.mtad.am/protocols