Տեղեկատվական կենտրոն
Նորություններ
Արցախյան 44-օրյա պատերազմի մասնակիցների վերականգնողական ծրագրի շրջանակում <Գեյթվեյ Հայաստան>-ի ներկայացուցիչները կրկին Վայոց ձորի մարզում էին
23.02.2023
Փետրվարի 22-ին Արցախյան 44-օրյա պատերազմի մասնակիցների վերականգնողական ծրագրի շրջանակներում աշխատանքային այցով ՀՀ Վայոց ձորի մարզում էին <Գեյթվեյ Հայաստան> (Gateway Armenia) բարեգործական կազմակերպության ներկայացուցիչներն ու կուրորտաբանության և ֆիզիկական բժշկության գիտահետազոտական ինստիտուտի բժիշկ-վերականգնողաբան Անահիտ Իսախանյանը և կինեզոթերապևտ Ասպետ Քելխաչերյանը։
ՀՀ Վայոց ձորի մարզպետի տեղակալ Դավիթ Սարգսյանը շնորհակալություն հայտնեց բարեգործական կազմակերպության ներկայացուցիչներին ու բժիշկներին և բարձր գնահատեց 44-օրյայի մասնակից վիրավոր զինծառայողների առողջության վերականգման նրանց առաքելությունը:
Վերականգնողական ծրագրի շրջանակներում Վայոց ձորի մարզ բարեգործական կազմակերպության 2-րդ այցն էր:
ՀՀ Վայոց ձորի մարզպետարանի և <Գեյթվեյ Հայաստան>-ի համագործակցության արդյունքում համապատասխան զննում անցան 7 շահառուներ: Ծրագրում ներառված նախկին զինծառայողները կանցնեն անհրաժեշտ բոլոր հետազոտությունները, կստանան ֆիզիոթերապևտիկ և համապատասխան այլ բուժում ու դեղորայք։
<Գեյթվեյ Հայաստան> բարեգործական հասարակական կազմակերպության աջակցությամբ 2022 թվականին բժշկական աջակցություն է ստացել 44-օրյա պատերազմի ընթացքում վիրավորում ստացած ՀՀ Վայոց ձորի մարզի 11 բնակիչ:
Նշենք, որ ծրագիրը Վայոց ձորի մարզում կրելու է շարունակական բնույթ։