Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Արարատ Գրիգորյանը մասնակցել է Նահապետ Մարգարյանի անունով համակարգչային դասարան անվանակոչելու միջոցառմանը
31.01.2023
Սույն թվականի հունվարի 27-ին Վայոց ձորի մարզի Եղեգիս համայնքի Թառաթումբ բնակավայրի միջնակարգ դպրոցում համակարգչային դասարանն անվանակոչվեց սեպտեմբերի 13-14-ին ադրբեջանական ագրեսիայի ընթացքում զոհված Նահապետ Նվերի Մարգարյանի անունով:
Անվանակոչման միջոցառմանը ներկա էին ՀՀ Վայոց ձորի մարզպետ Արարատ Գրիգորյանը և Եղեգիս համայնքի ղեկավար Արթուր Ստեփանյանը: Միջոցառմանը մասնակցում էին դպրոցի ուսուցչական անձնակազմը, աշակերտները, զոհված հերոսի հարազատներն ու ընկերները։
Մարզպետ Արարատ Գրիգորյանն իր խոնարհումը հայտնեց և երախտիքի խոսք ասաց հերոսի հարազատներին և դպրոցի ուսուցիչներին՝ հայրենիքի նվիրյալ ու անձնազոհ զավակներ դաստիարակելու համար։
Հայ ազգը թշնամու առաջ երբեք չի ընկրկել,- նշեց Արարատ Գրիգորյանը և հավելեց՝ այժմ էլ մի բռունցք դարձած, հայացքը վաղվա խաղաղ օրվան հառած մեջքն ուղղելով առաջ է շարժվում ։
Եղեգիս համայնքի ղեկավար Արթուր Ստեփանյանը նշեց, որ Նահապետ Մարգարյանի գործունեությանը ծանոթ է դեռևս 44-օրյա պատերազմից, որովհետև 44 օրյայի ժամանակ Ջրականում անձամբ է հանդիպել նրա հետ: Համայնքի ղեկավարը ելույթն ավարտեց ներկաներին և հերոսի հարազատներին ուժ և տոկունություն մաղթելով:
Դպրոցի տնօրեն Զոհրաբ Խաչատրյանը նշեց, որ հերոսներին ի վերուստ տրված է լինում կարճատև, բայց բովանդակալից կյանք: Նրանք ապրում և գործում են հանուն ազգի ու հայրենիքի՝ օրինակ ծառայելով սերունդներին։
Ներկաները հերոսի մասին խոսում էին հուզմունքով, բայցև հպարտությամբ:
Սիրո բոլոր դրսևորումները, որոնց մենք կարող ենք հանդիպել կյանքում, միայն հայրենիքն է, որ կարող է անփոփել իր մեջ: Հայրենիքի հանդեպ սիրո հենց այդպիսի զգացողությամբ էր օժտված Նահապետ Մարգարյանը, ինչպես նաև բոլոր այն հերոսները, որոնք գործում են հանունի՝ հանուն հայրենիքի, հանուն ընտանիքի և հանուն վաղվա խաղաղ օրվա:
Միջոցառման մասնակից երեխաների աչքերում կար հերոսի գործը շարունակելու և խաղաղ ապագան հերոսաբար կերտելու հաստատակամություն:
Դպրոցի <Փառքի սրահը> հայրենասիրության դասեր տալու և ստանալու լավագույն միջավայր է: Հիշենք ու հավերժացնենք իրենց կյանքը հայրենիքին նվիրած քաջորդիներին՝ գալիք սերունդներին կրթելով նրանց օրինակով:
