Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Մարզպետ Արարատ Գրիգորյանը շնորհավորեց Հայրենական մեծ պատերազմի վետերան Սարգիս Հարությունյանին 97 ամյակի կապակցությամբ

24.01.2023

     Այսօր իր 97 ամյակն է նշում Հայրենական մեծ պատերազմի մասնակից, Եղեգնաձորի վետերանների տարածքային խորհրդի նախագահ Սարգիս Հարությունյանը։

     Ձևավորված բարի ավանդույթի համաձայն մարզպետ Արարատ Գրիգորյանը շնորհավորեց և նվերներ փոխանցեց հոբելյարին՝ մաղթելով քաջառողջություն և երկար տարիների կյանք՝ շրջապատված ուշադրությամբ, սիրով և ջերմությամբ։

     Սարգիս Հարությունյանը ծնվել է 1926թ. Վայոց ձորի մարզի Ելփին գյուղում: 1944-1950թթ. ծառայել է խորհրդային բանակում: Ծառայել է Թամանյան հայկական դիվիզիայում: 1945 թվականի հունվարին Լեհաստանում վիրավորվել է և տեղափոխվել թիկունք: 1946 թվականից ծառայել է Քանաքեռի 390 հրաձգային գնդում:

     Սարգիս Հարությունյանը զբաղվում է նաև հասարակական գործունեությամբ։ Նա Հայրենական մեծ պատերազմի վետերանների միության Եղեգնաձորի մասնաճյուղի նախագահն է: Որպես Մեծ հայրենականի վետերան բազմիցս մասնակցել է Հայաստանում և արտերկրում կազմակերպված հոբելյանական տոնակատարություններին: Պարգևատրվել է 2 տասնյակից ավել մեդալներով: 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2023-02-09 12:19:18