Վայոց ձորի մարզպետի աշխատակազմ

     ՀՀ Վայոց ձորի մարզպետ Արարատ Գրիգորյանը շնորհավորեց ՀՀ ԱԱԾ Վայոց ձորի մարզային վարչության աշխատակիցներին Ազգային անվտանգության մարմինների աշխատողի օրվա կապակցությամբ՝ մաղթելով առողջություն, նորանոր ձեռքբերումներ և հաջողություններ հայրենիքին ծառայելու պատվաբեր գործում:

     <Ծառայությունը հանուն երկրի և նրա անվտանգության, որի հետ դուք գիտակցաբար և ամուր կերպով կապել եք ձեր ճակատագիրը, պահանջում է բարձր պրոֆեսիոնալիզմ, քաջություն, վճռականություն, գործին անմնացորդ նվիրում և ամենակարևորը՝ հայրենասիրություն։

     Ձեզանից յուրաքանչյուրի մեջ այս արժեքների անվերապահ առկայությունը, հայրենիքի շահերին նվիրված ծառայությունը և Ձեր անցած ճանապարհը հանդիսանում են ազգային անվտանգության, մեր խաղաղ կյանքի և ապագայի հանդեպ վստահության գրավականը։

     Թող Ձեր քաջությունը, կուտակած հարուստ փորձն ու մասնագիտական հմտությունները լինեն Ձեր անվտանգության երաշխիքը և շարունակեն ծառայել Հայաստանի Հանրապետության ազգային շահերի ապահովմանը>։