Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
<Վայոց Ձորի անտառտնտեսություն> մասնաճյուղի անտառկառավարման պլանի մշակմանը նվիրված խորհրդակցություն Վայոց ձորի մարզպետարանում
29.11.2022
Սույն թվականի նոյեմբերի 23-ին Վայոց ձորի մարզպետարանում տեղի ունեցավ ՀՀ ՇՄՆ Անտառային կոմիտեի <Հայանտառ> ՊՈԱԿ-ի <Վայոց Ձորի անտառտնտեսություն> մասնաճյուղի անտառկառավարման պլանի մշակմանը նվիրված երկրորդ անտառաշինական խորհրդակցությունը։
Խորհրդակցության մասնակիցներին ողջունեց ՀՀ Վայոց ձորի մարզպետի տեղակալ Դավիթ Սարգսյանը: Մարզպետի տեղակալն իր խոսքում հաջողություններ մաղթեց խորհրդակցության աշխատանքներին, կարևորելով մարզի անտառկառավարման պլանի մշակումը և անտառային ֆոնդի քարտեզագրումը:
Խորհրդակցությանը ներկա էին ՀՀ ՇՄՆ Անտառային կոմիտեի և Հայանտառ ՊՈԱԿ-ի և <Վայոց Ձորի անտառտնտեսություն> մասնաճյուղի աշխատակիցները, Վայոց ձորի մարզպետարանի և համայնքների ներկայացուցիչներ։
Խորհրդակցության ընթացքում անտառկառավարման պլանի մշակման աշխատանքներն իրականցնող փորձագետները ներկայացրին անտառային ֆոնդի գնահատման և անտառօգտագործման հիմնական ցուցանիշները, անտառային տնտեսության վարման վերլուծության արդյունքներն, անտառտնտեսության կենսաբազմազանության բնութագիրը և էկոհամակարգային ծառայությունները, կազմված, տպագրված քարտեզներն ու անտառի և միջոցառումների պլանները։
