Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի ուղերձը Տեղական ինքնակառավարման օրվա կապակցությամբ
10.11.2022
Վայոց ձորի մարզի համայնքների հարգելի՛ ղեկավարներ, ավագանու անդամներ, համայնքապետարանների աշխատակազմերի հանրային ծառայողներ և համայնքային ենթակայության կազմակերպությունների աշխատակիցներ,
Ջերմորեն շնորհավորում եմ Ձեզ՝ տեղական ինքնակառավարման օրվա կապակցությամբ:
ՏԻՄ համակարգը Հայաստանի Հանրապետության կառավարման կայացած ինստիտուտներից է, որի անցած 26 տարիները եղել են համակարգի ձևավորման և ՏԻ մարմինների աստիճանական զարգացման տարիներ:
Համակարգն արդիականացնելու, տեղական ինքնակառավարման մարմինների գործունեությունը բարելավելու, տեղական ինքնակառավարմանը հանրային մասնակցությունն ապահովելու նպատակով, վերջին տարիներին մեր երկրում իրականացվեց բարեփոխման ծրագրեր, միտված հաշվետու և մասնակցային տեղական ինքնակառավարումը խթանելուն:
Բարեփոխման առաջին փուլի արդյունքում Վայոց ձորի մարզում ձևավորվեց ութ, իսկ երկրորդ փուլից հետո հինգ խոշորացված համայնքներ:
Խոշորացումը մեր համայնքներին զարգանալու, համայնքային ենթակառուցվածքները հզորացնելու և սոցիալական մարտահրավերներին դիմակայելու ավելի մեծ հնարավորություններ է ընձեռել:
Արենի և Եղեգիս համայնքներում սեպտեմբերի 25-ին համամասնական ընտրակարգով ընտրված ավագանիները դեռևս չեն ստանձնել իրենց լիազորությունները: Օգտվելով առիթից, ուզում եմ շնորհավորել Արենիի և Եղեգիսի նորընտիր ավագանու անդամներին, մաղթելով նրանց համայնքանպաստ գործունեություն:
Սիրով շնորհավորում եմ մեր մարզի բոլոր համայնքների ղեկավարներին, ՏԻՄ բոլոր ներկայացուցիչներին և Վայոց ձորի ողջ հանրությանը, Տեղական ինքնակառավարման օրվա կապակցությամբ:
Վայոց ձորի մարզի ՏԻ մարմիններին մաղթում եմ արդյունավետ գործունեություն, ի շահ համայնքների հզորացման և ի բարօրություն մարզի ազգաբնակչության:
