Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում ՀՀ էկոնոմիկայի նախարարության Զբոսաշրջության կոմիտեի ներկայացուցիչների հետ
01.11.2022
Հոկտեմբերի 28-ին ՀՀ Վայոց ձորի մարզպետարանում տեղի ունեցավ ՀՀ էկոնոմիկայի նախարարության Զբոսաշրջության կոմիտեի և Վայոց ձորի մարզի զբոսաշրջության ոլորտի ներկայացուցիչների հանդիպումը։
Հանդիպմանը մասնակցում էին ՀՀ Վայոց ձորի մարզպետի տեղակալ Դավիթ Սարգսյանը, ՀՀ ԷՆ զբոսաշրջության կոմիտեի նախագահի տեղակալ Սուսաննա Հակոբյանը և մարզպետարանի Զարգացման ծրագրերի, զբոսաշրջության և վերլուծության բաժնի պետ Արամ Կոստանյանը։
Կոմիտեի ներկայացուցիչները մարզի զբոսաշրջության ոլորտի պետական և մասնավոր հատվածի շահագրգիռ կողմերին ներկայացրին կոմիտեի հիմնական գործառույթները, առաջիկա ծրագրերն ու միջոցառումները:
Հանդիպման շրջանակներում քննարկվեցին մարզի զբոսաշրջային ոլորտում առկա խնդիրներն ու մարտահրավերները, ինչպես նաև դրանց հասցեագրմանն ուղղված տարբերակները, մասնավորապես անդրադարձ կատարելով Ջերմուկում և Արենիում ենթակառուցվածքների բարելավմանն ուղղված ծրագրերին, որոնք իրականացվում են Համաշխարհային բանկի ֆինանսավորմամբ:
