Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վերապատրաստման դասընթաց՝ Վայոց ձորի մարզի ֆերմերներին և գյուղատնտեսության ոլորտի այլ տնտեսվարողներին աջակցելու նպատակով
18.10.2022
<Հայաստանում գյուղատնտեսության ոլորտի ֆինանսավորում> ծրագրի իրականացման շրջանակներում 2022 թվականի հոկտեմբերի 18-ին Վայոց ձորի մարզպետարանի նիստերի դահիճում տեղի ունեցավ վերապատրաստման դասընթաց, որին ներկա էր Վայոց ձորի մարզպետարանի գյուղատնտեսության և բնապահպանության վարչության պետ Գեղամ Մարգարյանը:
Վերապատրաստմանը մասնակցում էին մարզի գյուղատնտեսության ոլորտում գործունեություն իրականացնող ֆերմերներ և գյուղատնտեսության ոլորտի այլ տնտեսվարողներ:
Վերապատրաստման դասընթացը վարում էին ծրագրի փորձագետներ Աշոտ Հովհաննիսյանը ( ՄԱԿ-ի գրասենյակի ներկայացուցիչ) և Մերուժան Զադայանը (<Բիզնեսի աջակցության կենտրոն>-ի փորձագետ):
Ծրագիրն ուղղված է Վայոց ձորի մարզում անասնաբուծության (այծաբուծության և տավարաբուծության) զարգացմանը: Վերապատրաստման հիմնական թեմաները վերաբերում էին անասնաբուծական նորարարար տեխնոլոգիաների կիրառմանը և ֆինանսական գրագիտությանը:
Ծրագիրը, որի հիմնական նպատակը գյուղատնտեսական գործունեությամբ զբաղվող փոքր և միջին ձեռնարկությունների ու անհատ գյուղացիների վարկավորումն արդյունավետ ու շահութաբեր դարձնելն է, իրականացվում է Հայաստանի Հանրապետության և Գերմանիայի Դաշնային Հանրապետության միջև ֆինանսական համագործակցության շրջանակներում:
