Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզպետի տեղակալը ՄԱԿ ՓԳՀ-ի հետ քննարկել է հրատապ մարդասիրական աջակցության ապահովման հարցեր
23.09.2022
Սույն թվականի սեպտեմբերի 19-ին Վայոց ձորի մարզպետի տեղակալ Դավիթ Սարգսյանն ընդունել է ՄԱԿ ՓԳՀ-ի Ժնևի և Հայաստանի գրասենյակների բարձրաստիճան պաշտոնյաներ Օլեգ Ժդանովին և Ալմազ Բուրկուտովին, ինչպես նաեւ ՄԱԿ ՓԳՀ-ի Գորիսի դաշտային գրասենյակի ղեկավար Սահականուշ Եղիազարյանին: Հանդիպմանը մասնակցել է նաև մարզպետի խորհրդական Արմեն Դավթյան:
Կողմերն անդրադարձել են արտակարգ իրավիճակներին պատրաստվածությանն ու գործողություններին վերաբերող հարցերի՝ ազդակիր բնակչությանը ժամանակին և արդյունավետ մարդասիրական աջակցության պլանավորման նպատակով` հաշվի առնելով 2020 թվականից ի վեր ստեղծված իրավիճակը Հայաստանում:
Պաշտոնյաները քննարկել են նաև 2022 թ. սեպտեմբերի 13-ից Ջերմուկից մարզի տարբեր համայնքներ տեղափոխված ընտանիքների և առանձին քաղաքացիների առաջնահերթ կարիքները։
Այդ կապակցությամբ ՄԱԿ ՓԳՀ-ն իր պատրաստակամությունն է հայտնել, Վայոց ձորի մարզային և տեղական իշխանությունների հետ համակարգմամբ, աջակցել համայնքներին՝ տուժած ընտանիքներին տրամադրելով մարդասիրական օգնություն:
