Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանն ընդունել է աշխատանքային այցով Վայոց ձորի մարզում գտնվող ՀՀ առողջապահության նախարարի առաջին տեղակալ Լենա Նանուշյանին
19.07.2022
Հուլիսի 18-ին ՀՀ Վայոց ձորի մարզպետ Արարատ Գրիգորյանն ընդունեց աշխատանքային այցով Վայոց ձորի մարզում գտնվող ՀՀ առողջապահության նախարարի առաջին տեղակալ Լենա Նանուշյանին:
Այցի շրջանակում տեղի ունեցավ մարզում բուժաշխատողների շարունակական մասնագիտական զարգացման (ՇՄԶ) և պարտադիր հավաստագրման գործընթացին վերաբերող խորհրդակցություն, մարզի առողջապահական կազմակերպությունների տնօրենների, բուժաշխատողների և հավաստագրման գործընթացի պատասխանատուների մասնակցությամբ:
Հանդիպմանը ներկա էին ՀՀ Վայոց ձորի մարզպետի տեղակալ Դավիթ Սարգսյանը, Առողջապահության ազգային ինստիտուտի տնօրեն Ալեքսանդր Բազարչյանը, մարզպետարանի առողջապահության և սոցիալական ապահովության վարչության պետ Վասիլ Ասլանյանը:
Հանդիպման նպատակը բուժաշխատողների շարունակական մասնագիտական զարգացման (ՇՄԶ) և պարտադիր հավաստագրման գործընթացի վերաբերյալ իրազեկումն էր։
Հանդիպման ընթացքում բարձրացվեց մարզի առողջարանների բուժանձնակազմի, մարզական հաստատություններին կցված բուժքույրերի և երեխայի խնամքի արձակուրդում գտնվող բուժանձնակազմի պարտադիր հավաստագրման գործընթացին վերաբերող հարցեր:
Ըստ կարգի՝ բուժաշխատողները պետք է ունենան շարունակական մասնագիտական զարգացման արդյունքների գնահատման հավաստագրեր։ Պարտադիր հավաստագրման գործընթացի առաջին փուլի համար սահմանված վերջնաժամկետը 2023թ-ի հունվարի 1-ն է:
