Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզի դպրոցահասակ 70 երեխա մեկնեց ամառային ճամբար
06.07.2022
<Դպրոցականների ամառային հանգuտի կազմակերպում> ամենամյա ծրագրով Վայոց ձորի մարզի համայնքների սոցիալական տարբեր խմբերի՝ զոհված, հաշմանդամություն ստացած զինծառայողների և աշխարհազորայինների, ծնողազուրկ ու սակավ ապահովված բազմազավակ ընտանիքների 7-13 տարեկան 70 երեխա մեկնեց Հանքավանի <Հասմիկ> մանկական ճամբար:
Երեխաներին ճանապարհելու էին եկել ՀՀ Վայոց ձորի մարզպետի խորհրդական Արմեն Դավթյանը, մարզպետարանի գլխավոր քարտուղար Արսեն Կարապետյանը:
Դպրոցական երեխաների անվտանգ ուղևորությունն ապահովելու նպատակով նրանց ուղեկցում էին մարզպետարանի կրթության, մշակույթի և սպորտի վարչության երեք աշխատակիցներ, ճանապարհային ոստիկանության ծառայողներ և բուժաշխատողներ:
Դպրոցական երեխաների ամառային հանգիստը կկազմակերպվում է ՀՀ պետական բյուջեի միջոցներով: Ճամբարը գործելու է երկու հերթափոխով՝ 20-ական օրով:
