Տեղեկատվական կենտրոն
Նորություններ
Վայոց ձորի մարզպետը շնորհակալագրով պարգևատրեց Խաչիկ բնակավայրի միջնակարգ դպրոցի աշակերտ Կարեն Կարապետյանին
06.07.2022
![](http://vdzor.mtad.am/files/n_pics/32379_s.jpg)
ՀՀ Վայոց ձորի մարզպետ Արարատ Գրիգորյանն ընդունեց Խաչիկ բնակավայրի միջնակարգ դպրոցի աշակերտ, ՆԶՊ առարկայի օլիմպիադայի հանրապետական փուլում հրաձգությունից 1-ին տեղ գրաված Կարեն Կարապետյանին, նրա ուսուցիչ Համլետ Ներսիսյանին և դպրոցի տնօրեն Քաջիկ Խաչատրյանին:
Հանդիպմանը ներկա էր մարզպետարանի կրթության, մշակույթի և սպորտի վարչության պետ Տատյանա Պոլուդնիցինան:
Արարատ Գրիգորյանը Կարեն Կարապետյանին շնորհավորեց օլիմպիադայում պատվավոր առաջին հորիզոնականն զբաղեցնելու կապակցությամբ և շնորհակալագրեր հանձնեց Կարենին ու նրա ուսուցչին:
Մարզպետ Արարատ Գրիգորյանը շնորհակալություն հայտնեց Խաչիկի միջնակարգ դպրոցի զինղեկին և կարևորեց մատաղ սերնդի ռազմահայրենասիրական դաստիարակությունը, որը դպրոցի շրջանավարտներին նախապատրաստում է կյանք մտնելուն, սեփական ինքնապաշտպանությունը կազմակերպելուն և պարտադիր զինվորական ծառայությունը պատվով կատարելուն:
Մարզպետի շնորհակալագրով պարգևատրվել է նաև <Նախնական զինվորական պատրաստություն> առարկայի մարզային թիմի ղեկավար Փափազ Հովհաննիսյանը:
Կարեն Կարապետյանը առաջիկայում զորակոչվելու է համալրելու հայոց բանակի շարքերը: Նրան մաղթում ենք խաղաղ ու անվտանգ ծառայություն: