Վայոց ձորի մարզպետի աշխատակազմ

      Սիրելի՛ հայրենակիցներ,
սրտանց շնորհավորում եմ բոլորիս Սահմանադրության օրվա կապակցությամբ:

     Սահմանադրությունը երկրի Մայր օրենքն է, անկախ պետականության կարևորագույն խորհրդանիշներից մեկը, որում ներառված հայոց պետականության հիմնական սկզբունքները և համազգային նպատակները այսօր էլ հանդիսանում են մեր երկրի կայունության, բնականոն զարգացման ու ներքին համերաշխության ապահովման հիմնական երաշխավորները:

      Մայր օրենքում ամրագրված սկզբունքները կարևոր նշանակություն ունեն պետության կայացման և հասարակական հարաբերությունների կարգավորման գործընթացում, ուստի բոլորս պարտավոր ենք ապրել և գործել սահմանադրական սկզբունքներին համապատասխան՝ մեր ներդրումն ունենալով ժողովրդավարության կայացման գործում: