Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզպետն ընդունեց Կարմիր խաչի միջազգային կոմիտեի (ԿԽՄԿ) Գորիսի ենթապատվիրակության ղեկավարին
29.06.2022
Հունիսի 28-ին ՀՀ Վայոց ձորի մարզպետ Արարատ Գրիգորյանն ընդունեց Կարմիր խաչի միջազգային կոմիտեի (ԿԽՄԿ) Գորիսի ենթապատվիրակության ղեկավար Մուհամեդ Խավցուկովին:
Մարզպետը շնորհակալություն հայտնեց պարոն Խավցուկովին այցելության ու համագործակցության համար, և պատրաստակամություն հայտնեց գործադրել հնարավոր բոլոր ջանքերը այդ փոխգործակցության ամրապնդման և ԿԽՄԿ գործունեությանը նպաստելու ուղղությամբ:
Մուհամեդ Խավցուկովը տեղեկացրեց, որ (ԿԽՄԿ) Գորիսի ենթապատվիրակությունը սկսել է գործել 2021թ. Ղարաբաղյան հակամարտության 2020-ի սրացման առնչությամբ Սյունիքի և Վայոց ձորի մարզերում տուժած բնակչությանը հոգեբանական խորհրդատվություն, առողջական և սոցիալական օգնություն տրամադրելու նպատակով, և ներկայացրեց այդ ընթացքում ենթապատվիրակության կողմից իրականացված բազմաբնույթ աշխատանքները:
Երկուստեք քննարկվեցին հետագա համագործակցության հարցեր, որոնք վերաբերում էին Վայոց ձորի մարզում պատերազմից հետո տուժած բնակչության առողջության վերականգմանը, սահմանամերձ բնակավայրերի դպրոցականների հետ առաջին օգնության վերաբերյալ դասընթացների կազմակերպման ուղղությամբ տարվող աշխատանքներին և առողջապահական կազմակերպություններին՝ արտակարգ իրավիճակներում գործելու և գիտելիքների վերազինման խնդիրներին:
