Վայոց ձորի մարզպետի աշխատակազմ

     ՀՀ Վայոց ձորի մարզպետ Արարատ Գրիգորյանը մարզպետարանի առողջապահության և սոցիալական ապահովության վարչության գլխավոր մասնագետ Ցողիկ Բաբայանին պարգևատրեց պատվոգրով՝ <ԵՄ-ն հանուն միգրանտների ներուժի օգտագործման> ծրագրի իրազեկման արշավի նախապատրաստման և իրականացման ընթացքում ցուցաբերած աջակցության համար։

     Շնորհակալություն հայտնելով աշխատանքային պարտականությունները արդյունավետ և բարեխիղճ կատարելու համար՝ մարզպետ Արարատ Գրիգորյանը նշեց, որ սա լավագույն առիթ է ևս մեկ անգամ գնահատելու և արժևորելու տարիների ընթացքում նրա ներդրած ջանքերը։

     Շնորհակալություն ենք հայտնում Ցողիկ Բաբայանին արդյունավետ աշխատանքի և գործին անմնացորդ նվիրումի համար, և մաղթում ենք աշխատանքային հաջողություններով հպարտանալու բազմաթիվ նոր առիթներ։