Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Բուժաշխատողների օրվա կապակցությամբ
21.06.2022
Սիրելի՛ բուժաշխատողներ,
ի սրտե շնորհավորում եմ ձեզ մասնագիտական տոնի՝ Բուժաշխատողի օրվա կապակցությամբ:
Իմ շնորհակալությունն ու երախտագիտությունն եմ հայտնում Վայոց ձորի առողջապահական համակարգի ղեկավարներին և բոլոր աշխատակիցներին, մարզի բնակչության առողջության պահպանման գործում ցուցաբերած նվիրումի, ամենօրյա տքնաջան ու պատասխանատու աշխատանքի համար:
Բուժաշխատողի գործունեությունը ոչ միայն մասնագիտություն է, այլև կյանքեր փրկելու և կյանք պարգևելու առաքելություն, պայմանավորված մասնագիտական խորը գիտելիքներով և հմտություններով: Բոլոր ժամանակներում ձեր դժվարին, բայցև պատվաբեր աշխատանքը միշտ բարձր է գնահատվել, արժանացել հարգանքի ու երախտագիտության: Սակայն հայրենիքի պաշտպանության ծանր պահերին՝ 44-օրյա պատերազմում, և կյանքում ստեղծված արտակարգ իրավիճակներում՝ համավարակի դեմ պայքարում, ձեր դրսևորած ինքնամոռաց ու անձնուրաց գործունեությունն արժանի է խոնարհումի:
Վայոց ձորի առողջապահական համակարգի սիրելի՛ ներկայացուցիչներ, հարգարժա՛ն վետերաններ, վերստին շնորհավորում եմ ձեզ մասնագիտական տոնի կապակցությամբ: Մաղթում եմ համբերություն, կամք ու վճռականություն, մեր ազգաբնակչության առողջության պահպանման դժվարագույն գործում: Թող ձեր նվիրական աշխատանքը միշտ պսակվի հաջողությամբ, ի շահ առողջ վայոցձորցու:
Առողջություն, սեր ու բարեկեցություն ձեզ և ձեր ընտանիքներին:
