Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի երաժշտական և արվեստի դպրոցների սաների մասնակցությամբ համերգ <Քույր դպրոցներ> ծրագրի շրջանակում
08.06.2022
ՀՀ մայրաքաղաք Երևանի և ՀՀ մարզերի երաժշտական և արվեստի դպրոցների փոխգործակցության <Քույր դպրոցներ> ծրագրի շրջանակում Վայոց ձորի մարզի Եղեգնաձորի երաժշտական, Վայքի ԽաչատուրՆերսիսյանի անվան արվեստի և Աղավնաձորի Մուրադ Սարգսյանի անվան արվեստի դպրոցների սաները հունիսի 6-ին համերգային ծրագրով հյուրընկալվեցին Երևանի Արմեն Տիգրանյանի անվան երաժշտական դպրոցում:
Մինչ ելույթները հայ մեծանուն կոմպոզիտոր Արամ Խաչատրյանի ծննդյան օրվա կապակցությամբ Վայոց ձորի պատվիրակությունը նախ այցելել է Կոմիտասի անվան պանթեոն, ծաղիկներ խոնարհել մեծանուն կոմպոզիտորի շիրմին: Այնուհետև շրջայց է կատարել Կոմիտասի թանգարան-ինստիտուտում՝ ծանոթանալով թանգարանի բովանդակությանը:
Կոմիտասի անվան պանթեոնում երաժշտական հանրության ներկայացուցիչների մասնակցությամբ Հայաստանի կոմպոզիտորների միության նախագահ Արամ Սաթյանը, ողջունել է <Քույր դպրոցներ> ծրագրի մասնակիցներին, հաջողություններ և նորանոր ձեռքբերումներ մաղթել մարզերի երաժշտական և արվեստի դպրոցների սաներին ու մանկավարժներին:
