Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
2-րդ մրցանակային հորիզոնական <ՀՀ վարչապետի գավաթ> սիրողական խճուղավազքի մրցաշարում
16.05.2022
Սիրելի՛ վայոցձորցիներ
Ուրախ ենք տեղեկացնել, որ սույն թվականի մայիսի 14-ին կայացած <ՀՀ վարչապետի գավաթ> դպրոցականների թիմային սիրողական խճուղավազքի մրցաշարում Արենիի միջնակարգ դպրոցի աշակերտները լավագույնս են ներկայացրել Վայոց ձորի մարզը՝ հանրապետությունում զբաղեցնելով 2-րդ հորիզոնականը։
Շնորհավորում ենք մեր մարզիկներին` ցանկանալով նրանց նորանոր հաջողություններ և ձեռքբերումներ։
Մրցաշարը, որին մասնակցում էր 12 թիմ Հանրապետության բոլոր մարզերից, Արցախից և Երևանից, տեղի ունեցավ Տավուշի մարզում՝ Դիլիջանի Պարզ լիճ տանող ճանապարհին:
Առաջին տեղը զբաղեցրեց Սյունիքի մարզի 9-րդ ավագ դպրոցը, երկրորդը՝ Վայոց ձորի մարզի Արենիի միջնակարգ դպրոցի թիմն է, եռյակը եզրափակեց Լոռու մարզի 5-րդ ավագ դպրոցը:
Պարգևատրման արարողությունը կատարեցին ՀՀ Վարչապետ Նիկոլ Փաշինյանը, ԿԳՄՍ նախարար Վահրամ Դումանյանը և Առողջապետության նախարար Անահիտ Ավանեսյանը:
