Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Ընտանիքի միջազգային օրվա կապակցությամբ
15.05.2022
Սիրելի վայոցձորցինե՛ր,
Ջերմորեն շնորհավորում եմ բոլորիս Ընտանիքի միջազգային օրվա կապակցությամբ:
Ընտանիքն ամենատաք ու ջերմ անկյունն է, որտեղ մենք գտնում ենք մեր հանգիստը, կտրվում ամենօրյա հոգսերից, նոր ու դրական լիցքեր ստանում, որոնք օգնում են մեզ յուրաքանչյուր բացվող օր նոր ոգևորությամբ սկսել և շարունակել կյանքի կոչել մեր ծրագրերն ու անելիքները: Ընտանիքն է յուրաքանչյուրիս հիմնական հենարանը, ազգային և համամարդկային արժեքների կրողն ու պահպանողը, հասարակության զարգացման հենքը:
Հայաստանի Հանրապետությունում ընտանիքը գտնվում է պետության հովանավորության և ամենօրյա պաշտպանության ներքո, իսկ պետական քաղաքականությունն ուղղված է նրա ամրացմանն ու բարեկեցության ապահովմանը, քանի որ ամուր և բարեկեցիկ ընտանիքն է հզոր պետականության ամենակարևոր երաշխիքը:
Սիրելի հայրենակիցնե՛ր, սրտանց շնորհավորում եմ ձեզ Ընտանիքի միջազգային օրվա կապակցությամբ:
Ձեր ընտանիքներին մաղթում եմ երջանկություն, բարօրություն, խաղաղություն և անհոգ օրեր:
