Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Մայրության և գեղեցկության տոնի կապակցությամբ
07.04.2022
Սիրելի՛ կանայք՝ մայրեր, քույրեր, դուստրեր,
Ջերմորեն շնորհավորում եմ ձեզ Մայրության և գեղեցկության տոնի կապակցությամբ։
Հայ ժողովուրդը միշտ առանձնահատուկ գնահատանք է դրսևորել հայ կնոջ նկատմամբ, սեր, հարգանք, պատկառանք ու խոնարհում տածել մայրերի նկատմամբ: Դարեր շարունակ մեր ժողովուրդը հայ կնոջը գնահատել է որպես օջախի պահապան և ընտանիքի գոյատևման անփոխարինելի հենասյուն: Մեր դարավոր պատմության ընթացքում կանաց դերը մեծ է եղել նաև երկրի հաղթանակների և ձեռքբերումների մեջ:
Մարիամ Աստվածածնի Ավետման օրը խորհրդանշող գարնանային այս գեղեցիկ տոնի առթիվ խոնարհումով շնորհավորում եմ հերոսածին բոլոր մայրերին ու հայրենիքի պաշտպանության անհրաժեշտության դեպքում միշտ առաջնագծում իրենց հայրերի ու եղբայրների կողքին գտնվող կանանց:
Սիրելինե'րս, կրկին շնորհավորում եմ Ձեզ մայրության ու գեղեցկության խորհուրդն ավետող տոնի կապակցությամբ: Բոլորիդ մաղթում եմ ընտանեկան ջերմություն և խաղաղություն։
Թո'ղ, միայն երջանկության արցունքներով թացվեն Ձեր աչքերը, Ձեր շուրջն ամենուր միայն սեր սփռվի ու հոգատարությունը գերիշխի բոլորիդ ընտանիքներում:
