Տեղեկատվական կենտրոն
Նորություններ
Ճանաչողական այց Երևանի <Մխիթար Սեբաստացի> կրթահամալիր
04.04.2022
ՀՀ Վայոց ձորի մարզպետ Արարատ Գրիգորյանը և մարզի կրթության ու մշակույթի ոլորտի մի խումբ ղեկավար անձինք այցելեցին Երևանի <Մխիթար Սեբաստացի> կրթահամալիր։ Դպրոցի հիմնադիր տնօրեն Աշոտ Բլեյանի ուղեկցությամբ Վայոց ձորի պատվիրակությունը շրջեց կրթահամալիրի տարածքով, ծանոթացավ կրթական համակարգին, նախասիրությունների զարգացման և մարզական ակումբների գործունեությանը, ուսուցման մեթոդներին և արձանագրված հաջողություններին։
Իր խոսքում մարզպետ Արարատ Գրիգորյանը բարձր գնահատեց Կրթահամալիրի գործունեությունը, որտեղ երկարամյա աշխատանքի արդյունքում ստեղծվել է մի համակարգ, որն իր գործունեությամբ և իրականացվող բազմաթիվ նախագծերի շնորհիվ խրախուսում է երեխաներին ստեղծագործել և արարել։
Դպրոցի աշակերտները Վայոց ձորի մարզպետին և հյուրերին ներկայացրին իրենց աշխատանքները, հանդես եկան պարային և երաժշտական գեղեցիկ կատարումներով: