Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարտի 8-ի առիթով Վայոց ձորի մարզպետը հանդիպել է կրթական համակարգի մի խումբ ներկայացուցիչների հետ
11.03.2022
ՀՀ Վայոց ձորի մարզպետ Արարատ Գրիգորյանը Կանանց միջազգային օրվա՝ Մարտի 8-ի առիթով հանդիպում է ունեցել մարզի հանրակրթական և նախադպրոցական հաստատությունների մի խումբ աշխատակիցների հետ:
Հանդիպմանը մասնակցել են մարզպետարանի կրթության, մշակույթի և սպորտի վարչության պետ Տատյանա Պոլուդնիցինան, Խաչիկի միջնակարգ դպրոցի ռուսաց լեզվի ուսուցչուհի Թագուհի Օհանյանը, Ջերմուկի թիվ 3 միջնակարգ դպրոցի դասվար Անուշ Ավետիսյանը, Եղեգնաձորի թիվ 2 մանկապարտեզի դաստիարակ Սոֆյա Հովսեփյան, Զառիթափի մանկապարտեզի դաստիարակ Իրինա Ալավերդյանը և Վայքի թիվ 1 մանկապարտեզի դաստիարակ Ալլա Պողոսյանը:
Հանդիպման ընթացքում մարզպետ Արարատ Գրիգորյանը գեղեցիկ ծաղիկներով շնորհավորեց ներկաներին Մարտի 8-ի՝ Կանանց միջազգային օրվա կապակցությամբ, մաղթելով նրանց առողջություն, երջանկություն և աշխատանքային հաջողություններ:
Քննարկվեցին կրթական համակարգի խնդիրներին և հանրակրթության արդյունավետության ապահովմանը վերաբերող հարցեր: Կարևորվեց նախադպրոցական կրթության առանձնահատուկ դերը՝ հանրակրթության արդունավետության բաձրացման գործում: Քննարկվեցին նաև ուսուցիչների կամավոր ատեստավորման գործընթացին վերաբերող հարցեր:
Ամփոփելով հանդիպումը, Արարատ Գրիգորյանը նրանց մաղթեց մասնագիտական նորանոր ձեռքբերումներ և արդյունավետ աշխատանք՝ երեխաների կրթության ու դաստիարակության դժվարին, բայցև պատվաբեր գործունեություն ընթացքում:
