Վայոց ձորի մարզպետի աշխատակազմ

   Վայոց ձորի մարզի հարգելի՛ բնակիչներ, տեղեկացնում ենք, որ մարզի բոլոր բուժհաստատություններում առկա է վերջերս Հայաստանի Հանրապետություն ներկրված ամերիկյան <Pfizer> պատվաստանյութը:

    Հիշեցնենք, որ <Pfizer>-ով կարող են պատվաստվել 12 տարեկանից բարձր բոլոր անձինք (12-18 տարեկանները` ծնողի ստորագրությամբ): Իսկ որպես բուստեր դեղաչափ՝ <Pfizer>-ը կիրառելի է 18 և բարձր տարիքի անձանց շրջանում՝ պատվաստման ամբողջական կուրսից հետո առնվազն 3 ամիս անց:

   Հարգելինե՛րս, պատվաստումն օգնում է պաշտպանել Ձեզ և Ձեր մտերիմներին։ Հորդորում ենք պատվաստվել՝ COVID-19 կորոնավիրուսային հիվանդության անցանկալի հետևանքներից խուսափելու համար։ Պատվաստվեք և եղեք պաշտպանված:

     Նշենք, որ 23.02.2022-ի դրությամբ պատվաստված է Վայոց ձորի մարզի բնակչության 48.1 %-ը։