Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանը այցելեց Եղեգնաձորի բժշկական կենտրոն
23.12.2021
Դեկտեմբերի 22-ին ՀՀ Վայոց ձորի մարզպետ Արարատ Գրիգորյանը և մարզպետարանի գլխավոր քարտուղար Արսեն Կարապետյանը այցելեցին Եղեգնաձորի բժշկական կենտրոն։
Կենտրոնի տնօրեն Կարեն Ասատրյանի ուղեկցությամբ մարզպետ Ա․ Գրիգորյանը շրջեց հիվանդանոցի բաժանմունքներով, ծանոթացավ շենքային պայմաններին, նյութատեխնիկական հագեցվածությանը, այցելեց հիվանդներին և հետաքրքրվեց նրանց առողջական վիճակով։ Բուժանձակազմի հետ զրույցի ընթացքում մարզպետին ներկայացվեց կենտրոնի գործունեությունը, զեկուցվեց ձեռքբերումների և հիմնախնդիրների մասին։
Նշվեց, որ վերջին տարիների ընթացքում հիվանդանոցում կառուցվածքային լուրջ փոփոխություններ են կատարվել։ Նորաբաց <Վահագն Ագլամիշյանի անվան մարզային ակնաբուժական կենտրում> մեկ տարվա ընթացքում կատարվել է շուրջ 330 վիրահատություն, ամբողջովին վերանորոգվել և վերազինվել է ռադիոլոգիական բաժանմունքը, իսկ 2022թ․ հունվարից կվերաբացվի նաև արյան փոխներարկման բաժինը։
Բարձր գնահատելով կենտրոնի շարունակական զարգացումը՝ մարզպետ Ա․ Գրիգորյանը նշեց, որ մարզային առողջապահությունը մշտապես գտնվում է իր ուշադրության կենտրոնում, և ձեռնարկվելու են բոլոր գործնական քայլերը դրական դինամիկան ապահովելու և խթանելու ուղղությամբ:
