Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզային այցերի շրջանակում Եղեգնաձոր համայնք էր այցելել ՀՀ ԱԺ պատգամավոր Արսեն Թորոսյանը
03.11.2021
Ս/թ նոյեմբերի 3-ին ՀՀ Վայոց ձորի մարզպետ Արարատ Գրիգորյանի, մարզպետի տեղակալ Դավիթ Սարգսյանի, Եղեգնաձոր համայնքի ղեկավարի պաշտոնակատար Մուշեղ Ներսիսյանի և մարզպետարանի համապատասխան վարչության պետերի ուղեկցությամբ ԱԺ պատգամավոր, Առողջապահության նախկին նախարար Արսեն Թորոսյանն այցելել է Եղեգնաձորի բժշկական կենտրոնի նոր կառուցվող շենքի շինհրապարակ, շրջել և ծանոթացել շինարարական աշխատանքների ընթացքին և կատարման որակին:
Տեղում իրականացվել են որոշակի ճշգրտումներ՝ ժամկետների և շինարարության առանձնահատկությունների վերաբերյալ։
Նշենք, որ Խորհրդային տարիներից ի վեր առաջին բազմապրոֆիլ բժշկական կենտրոնն է, որ կառուցվում է Վայոց ձորի մարզում: Կենտրոնի կառուցումն իրականացվում է Համաշխարհային բանկի ծրագրի շրջանակներում՝ պետական բյուջեի համաֆինանսավորմամբ։
Մարզպետը բարձր գնահատելով մարզի առողջապահության ոլորտի համար մեծ նշանակություն ունեցող նախաձեռնությունը՝ նշել է, որ իր անմիջական ուշադրության կենտրոնում է պահելու շինարարության ողջ ընթացքը և աշխատանքների կատարման որակի վերահսկողությունը։
