Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Պատվաստումային գործընթացի վերաբերյալ խորհրդակցություն՝ Վայոց ձորի մարզպետարանում
21.10.2021
Հոկտեմբերի 19-ին Վայոց ձորի մարզպետարանում կայացավ COVID-19-ի դեմ պատվաստումային գործընթացի վերաբերյալ խորհրդակցություն, որին ներկա էին եղել ՀՀ առողջապահության նախարարի տեղակալ Արմեն Նազարյանը, ՀՀ Վայոց ձորի մարզպետարանի գլխավոր քարտուղար Արսեն Կարապետյանը, մարզպետարանի առողջապահության և սոցիալական հարցերով վարչության պետը, համայնքների ղեկավարներ, մարզի բուժակական և կրթական հաստատությունների ղեկավարներ, աշխատակիցներ:
Արմեն Նազարյանը ներկայացվեց COVID-19-ի տարածումը կանխելու նպատակով ՀՀ առողջապահության նախարարության կողմից վարվող քաղաքականությունը:
Փոխնախարարն իր խոսքում կարևորեց պատվաստումների գործընթացի արդյունավետ կազմակերպումը, այն համարելով համավարակը հաղթահարելու միակ և ամենարդյունավետ միջոցը և հորդորեց ներկաներին պատվաստումների գործընթացի ակտիվացման նպատակով քաղաքացիների շրջանում տանել բացատրական և իրազեկման ճիշտ ու նպատակային աշխատանքներ:
Խորհրդակցության մասնակիցներն իրենց փորձը ներկայացրին փոխնախարարին և նրան ուղղեցին պատվաստման գործընթացին վերաբերող հարցեր, որոնց Արմեն Նազարյանը տվեց սպառիչ պատասխաններ:
Քննարկվեցին նաև առողջապահության ոլորտին վերաբերող այլ հարցեր, հնչեցին առաջարկներ:
