Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Արարատ Գրիգորյանը Խաչիկ բնակավայրում մասնակցել է <Աղջիկ երեխայի միջազգային օրվան> նվիրված միջոցառմանը
12.10.2021
Հոկտեմբերի 11-ին ՀՀ Վայոց ձորի մարզպետ Արարատ Գրիգորյանը Խաչիկ բնակավայրում մասնակցեց <Աղջիկ երեխայի միջազգային օրվան> նվիրված միջոցառմանը: Այն նախաձեռնել էր ՀՀ աշխատանքի և սոցիալական հարցերի նախարարությունը ՄԱԿ-ի բնակչության հիմնադրամի հետ համատեղ:
Միջոցառմանը ներկա էին ՀՀ աշխատանքի և սոցիալական հարցերի նախարար Նարեկ Մկրտչյանը, Եվրոպական միության պատվիրակության ղեկավար Ն.Գ. տկն. Անդրեա Վիկտորինը, ՄԱԿ-ի մշտական համակարգող Շոմբի Շարփը և այլ բարձրաստիճան հյուրեր:
Մարզպետ Արարատ Գրիգորյանը, շնորհավորելով աղջիկների միջազգային օրվա կապակցությամբ, նշեց, որ Հայաստանում աղջկա և կնոջ դերը դարերով ձևավորվել և ամրապնդվել է որպես հասարակության կայունության կարևորագույն հիմնաքար, քանի որ հայ ժողովուրդը մշտապես գիտակցել է, որ կրթելով աղջկա՝ կրթում է ընտանիք, համայնք, մի ամբողջ երկիր:
Միջոցառումն ուղեկցվում էր երեխաների գեղեցիկ կատարումներով, ինտելեկտուալ խաղերով և եզրափակվեց Խաչիկի միջնակարգ դպրոցի աղջիկների ֆուտբոլի թիմի մրցակցային խաղով:
