Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ ՀՀ Վայոց ձորի մարզխորհրդի հետաձգված նիստը
06.10.2021
2021 թվականի հոկտեմբերի 6-ին Վայոց ձորի մարզպետարանի նիստերի դահլիճում նախապես հրապարակված օրակարգով տեղի ունեցավ Վայոց ձորի մարզի խորհրդի հետաձգված նիստը, որը վարում էր ՀՀ Վայոց ձորի մարզպետ Արարատ Գրիգորյանը:
Նիստին մասնակցում էին ՀՀ Վայոց ձորի մարզպետի տեղակալը, մարզի համայնքների ղեկավարները, հանրապետական գործադիր մարմինների տարածքային ստորաբաժանումների և մարզպետարանի կառուցվածքային ստորաբաժանումների ղեկավարներ:
Մարզպետ ԱրարատԳրիգորյանը ողջունեց նիստի մասնակիցներին և ներկայացրեց օրակարգը:
Օրակարգում ներառված հարցերի վերաբերյալ զեկուցումներով հանդես եկան մարզպետարանի ստորաբաժանումների ներքոնշյալ ղեկավարները և ներկայացուցիչները.
- ՏԻ և ՀԳՄ հարցերով վարչության պետի տեղակալ Վարդան Հովհաննիսյան (2021 թվականին մարզի համայնքներում իրականացված իրավական և մասնագիտական հսկողության վերաբերյա),
- Գյուղատնտեսության և բնապահպանության վարչության պետ Գեղամ Մարգարյան (2021 թվականին մարզի համայնքներին հակակարկտային կայանների տեղադրման համար տրված կապիտալ սուբվենցիաների ընթացքի և մարզում աշնանային բերքահավաքի աշխատանքների կազմակերպման վերաբերյալ),
- Զարգացման ծրագրերի, զբոսաշրջության և վերլուծության բաժնի պետ Արամ Կոստանյան (Համայնքների ենթակառուցվածքների զարգացմանն ուղղված սուբվենցիայի ծրագրերի ընթացքի վերաբերյալ),
- Քաղաքաշինության վարչության պետ ԱրմենՀախնազարյան (2021 թվականին մարզի դպրոցներին տրված ընթացիկ դրամաշնորհների և Գլաձոր համայնքին ջրագծի վերանորոգման համար տրված կապիտալ սուբվենցիայի ընթացքի վերաբերյալ),
- Կրթության, մշակույթի և սպորտի վարչության պետի պարտականությունները կատարող Հուսիկ Հարությունյան (2021 թվականի ընթացիկ ժամանակահատվածում մարզում կրթության, մշակույթի և սպորտի բնագավառում կատարված աշխատանքների վերաբերյալ):
Մարզպետ Արարատ Գրիգորյանը և ներկաներն իրենց հետաքրքրող հարցերն ուղղեցին զեկուցողներին:
Ամփոփելով նիստի աշխատանքները մարզպետը բոլորին մաղթեց արդյունավետ աշխատանք և ամենօրյա հաջողություններ:
Նիստի ամբողջական արձանագրությունը կտեղադրվի ՀՀ Վայոց ձորի մարզպետարանի պաշտոնական կայքէջում, որին ծանոթանալու համար կարող եք այցելել կայքէջի <Մարզպետարան> բաժնի <Մարզխորհրդի նիստեր> ենթաբաժին՝ այս հղումով՝ http://vdzor.mtad.am/protocols/:
