Վայոց ձորի մարզպետի աշխատակազմ

     Այսօր Վայոց ձորի մարզպետ Արարատ Գրիգորյանն այցելել է Արենի համայնքի Խաչիկ բնակավայր, որտեղ ընթանում է Հայաստանի գունավոր և թերևս ամենահամեղ տոնակատարությունը՝ Գաթայի փառատոնը:

     Արդեն 7 տարի անընդմեջ Խաչիկ գյուղի բնակիչները հավաքվում են նշելու այս գեղեցիկ տոնը և իրենց հյուրընկալ դռներն են բացում հազարավոր այցելուների առջև՝ ոչ միայն ողջ Հայաստանի տարածքից, այլև արտերկրից:

     Մարզպետ Արարատ Գրիգորյանը շնորհավորեց միջոցառման կազմակերպիչներին և տեղի բնակչությանը, նշելով, որ փառատոնի արձանագրած հաջողությունները նրանց երկարատև և քրտնաջան աշխատանքի արդյունքն է:

    < Խաչիկը – բնակչության տքնաջան աշխատանքի և վճռականության խորհրդանիշն է, որտեղ իրար են միաձուլվում հարուստ ազգային ավանդույթներն ու ներկան: Համոզված եմ, որ ձեր եռանդը, ձեր սերն ու նվիրվածությունը ամենաջերմ արձագանքը կգտնեն հազարավոր մարդկանց սրտերում>:

     Նշենք, որ այս տարի Խաչիկի բնակիչների ձեռքով պատրաստված ավանդական գաթան՝ 4.5 մետր տրամագծով, ամենամեծն է ոչ միայն Հայաստանում, այլև ամբողջ աշխարհում: