Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գաթայի ավանդական փառատոն` Վայոց ձորի մարզի Խաչիկ գյուղում
15.09.2021
Հարգելի’ հայրենակիցներ, սիրով տեղեկացնում ենք, որ սույն թվականի սեպտեմբերի 18-ին տեղի կունենա Գաթայի փառատոնը:
Ավանդական դարձած այս փառատոնը կազմակերպվում է 2014թ.-ից և ամեն տարի իր հյուրընկալ դռներն է բացում հազարավոր հյուրերի համար ոչ միայն ողջ Հայաստանի տարածքից, այլև արտերկրից:
Յուրաքանչյուր աշուն Խաչիկ գյուղի բնակիչները հավաքվում են նշելու Հայաստանի ամենահամեղ տոներից մեկը, որտեղ մասնակիցները հնարավորություն ունեն համտեսել տարբեր տաղավարներում ներկայացված գյուղի բերքն ու բարիքը, պատրաստված տարատեսակ կերակուրները, և իհարկե, Խաչիկի բնակիչների ձեռքերով պատրաստված ավանդական գաթան:
Փառատոնն ունի նաև մշակութային մաս, որտեղ այցելուները հնարավորություն ունեն վայելել ազգագրական երաժշտությունն ու պարերը, մասնակցել խաղերի և գնումներ կատարել տեղական արվեստի և արհեստների տոնավաճառից:
