Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում <Դոմ Մոսկվի> մոսկովյան մշակութագործարարական կենտրոնի գլխավոր տնօրենի և Հայաստանում Ղազախստանի Հանրապետության պատվավոր հյուպատոսի հետ
15.09.2021
Սեպտեմբերի 14 ին ՀՀ Վայոց ձորի մարզպետ Արարատ Գրիգորյանը Երևանում <Դոմ Մոսկվի> մոսկովյան մշակութագործարարական կենտրոնի գլխավոր տնօրեն Վահրամ Կարապետյանի և Հայաստանում Ղազախստանի Հանրապետության պատվավոր հյուպատոս Արամ Աբրահամյանի հետ այցելեց Վայոց ձորի Մալիշկա համայնք, որտեղ շուտով մեկնարկելու է <Դոմ Մոսկվի> կենտրոնի կողմից կազմակերպվող ռուսաց լեզվի անվճար դասընթացները:
Ներկաները ծանոթացան կենտրոնում իրականացված շինարարական աշխատանքներին, որտեղ հյուրերին ներկայացվեց դասընթացների մեկնարկին առնչվող ծրագրային դրույթները, ինչպես նաև քննարկվեցին մարզում դասընթացների կազմակերպման աշխարհագրության ընդլայնման հնարավորությունները:
Կենտրոնի կողմից նախաձեռնած ծրագիրն ուղղված է ժամանակակից ծրագրերի, տեխնոլոգիաների և ուսուցման մեթոդների օգնությամբ երիտասարդներ շրջանում ռուսական մշակույթի ներկայացմանը և ռուսաց լեզվի իմացության խորացմանը, հայ-ռուսական բարեկամական կապերի ամրապնդմանը:
Նշենք, որ այս տարի Վայոց ձորի մարզպետարանի և Երևանում <Դոմ Մոսկվի> մոսկովյան մշակութագործարարական կենտրոնի միջև կնքվել է Համագործակցության հուշագիր, որի շրջանակներում <Դոմ Մոսկվի> կենտրոնի ուսուցողական այս նախաձեռնությունն արդեն իսկ իրականացվում է Եղեգնաձոր և Վայք քաղաքներում, և շուտով հասանելի կդառնա նաև Մալիշկայի երեխաների համար:
