Տեղեկատվական կենտրոն
Նորություններ
Վայոց ձորի մարզպետ Արարատ Գրիգորյանի շնորհավորական ուղերձը արտակարգ իրավիճակների աշխատակցի օրվա կապակցությամբ
04.09.2021
![](http://vdzor.mtad.am/files/n_pics/29601_s.jpg)
Արտակարգ իրավիճակների նախարարության փրկարար ծառայության Վայոց ձորի մարզային փրկարարական վարչության սիրելի՛ աշխատակիցներ,
Ջերմորեն շնորհավորում եմ ձեզ մասնագիտական տոնի կապակցությամբ:
Սեպտեմբերի 4-ը աշխարհում, թերևս, ամենամարդասիրական ուժային կառույցի աշխատակցի տոնն է:
Փրկարարի մասնագիտությունը առաքելություն է, որն իր մեջ ամփոփում է ուժը, բարությունն ու փրկարարի այն բարձր կոչումը, որը սեր և հոգատարություն է տածում բոլորի նկատմամբ: Փրկարարն իրականացնում է բացառապես հումանիտար գործառույթներ՝ վտանգելով սեփական կյանքն ու առողջությունը՝ փրկում է կյանքեր:
Կրկին շնորհավորելով ձեզ Արտակարգ իրավիճակների նախարարության (ԱԻՆ) աշխատակցի օրվա առթիվ՝ մաղթում եմ, որ նույն մասնագիտական բարձր պատրաստվածությամբ, մարդկային որակներով և արժանապատվությամբ շարունակեք իրականացնել բնակչության պաշտպանության ձեր պատվաբեր առաքելությունը:
Մաղթում եմ ձեր ընտանիքներին բարօրություն և երջանկություն, իսկ ձեզ՝ անփորձանք ծառայություն, հաջողություններ և աշխատանքային նոր ձեռքբերումներ՝ հանուն Հայաստանի Հանրապետության և մեր ժողովրդի անվտանգության և առաջընթացի: