Վայոց ձորի մարզպետի աշխատակազմ

   Հուլիսի 21-ին ՀՀ Վայոց ձորի մարզպետ Արարատ Գրիգորյանն ընդունեց ԱԿԲԱ- Ֆեդերացիայի ներկայացուցիչներին՝ ֆեդերացիայի նախագահ Հարություն Պողոսյանի գլխավորությամբ: Պատվիրակության անդամները տեղեկություններ ներկայացրին Վայոց ձորի մարզում ԱԿԲԱ - Ֆեդերացիայի կողմից իրականացված ծրագրերի և սպասվող նախաձեռնությունների վերաբերյալ:

     ԱԿԲԱ-Ֆեդերացիան նպատակաուղղված է խթանել Հայաստանում նորարարական գյուղատնտեսության և գյուղական համայնքների զարգացմանը միտված, 21-րդ դարին համահունչ բիզնես մոդելների ներդրմանը, նպաստել ինչպես ոլորտի արդյունավետության բարձրացմանը, այնպես էլ գյուղատնտեսությունը երիտասարդների համար ավելի գրավիչ ոլորտ դարձնելուն:

      Գործունեության հիմնական նպատակն է նպաստել ՀՀ ողջ տարածքում գյուղատնտեության, գյուղական շրջաններում փոքր և միջին բիզնեսի զարգացմանը:

     Հանգամանալից անդրադարձ կատարվեց Վայոց ձորի մարզում գյուղատնտեսության զարգացմանը, ոլորտում նորարարական մոտեցումների ներդմանը, start up նախաձեռնությունների բացահայտմանը և իրագործմանն ուղղված քայլերին: Այս համատեքստում կարևորվեց կողմերի պատրաստակամությունը՝ համագործակցելու փոխադարձ հետաքրքրություն ներկայացնող բոլոր ուղղություններով, և վստահություն հայտնվեց, որ համատեղ և հետևողական ջանքերի շնորհիվ կողմերը լավագույնս կնպաստեն կառուցողական հարաբերությունների ամրապնդմանը՝ աջակցելով մարզում գյուղատնտեսության ոլորտի զարգացմանը: