Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Սահմանադրության օրվա առթիվ
05.07.2021
Սիրելի վայոցձորցիներ,
Շնորհավորում եմ բոլորիս Հայաստանի Հանրապետության պետական տոնի՝ Սահմանադրության օրվա կապակցությամբ:
Սահմանադրությունը Հայաստանի իրավական համակարգի հիմքն է, որի շուրջ համախմբվում է հայրենիքի լավագույն ներուժը՝ ինքնիշխան, ժողովրդավարական, սոցիալական և իրավական պետության կայացման ճանապարհին։
Տարեցտարի նշելով այս պետական տոնը մենք առաջին հերթին հարգանք ենք դրսևորում մեր սեփական ընտրության նկատմամբ։ Հայ ժողովուրդը իր կամարտահայտության միջոցով արդեն բազմիցս ի ցույց է դրել, որ ամուր և հաստատակամ քայլերով շարժվում է դեպի Սահմանադրության մեջ ամրագրված նպատակների իրականացում տանող ճանապարհով։
Մենք պետք է հստակ գիտակցենք, որ ապավինելով Սահմանադրությանը և յուրաքանչյուրիս անկոտրում ոգին, հայրենանվեր և անձնվիրաբար աշխատանքը ներդնելով մեր հայրենիքի և ապագայի զարգացման գործում կարող ենք ստեղծել կայուն և հզոր Հայաստան։
Սիրելի հայրենակիցներ,
Եվս մեկ անգամ շնորհավորում եմ Սահմանադրության օրվա՝ հուլիսի 5-ի առթիվ, և բոլորիս մաղթում եմ խաղաղություն և բարեկեցություն։
