Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզը և Երևանում <Դոմ Մոսկվի> մոսկովյան մշակութագործարարական կենտրոնը ընդլայնում են համագործակցության շրջանակը
30.06.2021
Հունիսի 30-ին Վայոց ձորի մարզպետարանում Վայոց ձորի մարզպետ Արարատ Գրիգորյանը և Երևանում <Դոմ Մոսկվի> մոսկովյան մշակութագործարարական կենտրոնի գլխավոր տնօրեն Վահրամ Կարապետյանը ստորագրեցին Համագործակցության հուշագիր՝ բարձրացնելով փոխգործակցությունը որակապես նոր մակարդակի:
Հուշագրի ստորագրմամբ կողմերը վերահաստատեցին իրենց պատրաստակամությունը ընդլայնել գիտական և կրթա-մշակութային ոլորտում համագործակցության շրջանակը՝ այն համալրելով նոր նախաձեռնություններով և ծրագրերով:
Կողմերը վստահություն հայտնեցին, որ համատեղ և հետևողական ջանքերի շնորհիվ լավագույնս կնպաստեն ստեղծված բարեկամական հարաբերությունների ամրապնդմանը՝ աջակցելով Ռուսաստանի և Հայաստանի պատմության և մշակույթի հանրահռչակմանը և պատմա-մշակութային արժեքների պահպանմանը:
Քննարկվեցին Վայոց ձորի մարզում կրթության, զբոսաշրջության և մշակութագործարարական ոլորտի զարգացման գործընթացն առաջ մղելուն ուղղված քայլերը: Այս համատեքստում կարևորվեց ռուսաց լեզվի իմացության խորացմանն ուղղված քայլերը՝ մարզում ռուսաց լեզվի անվճար դասերի անցկացման աշխարհագրության ընդայնման շնորհիվ և համատեղ մշակութային տարաբնույթ միջոցառումների անցկացումը:
Հանգամանալից անդրադարձ կատարվեց համագործակցության շրջանակներում իրականացվելիք աշխատանքներին, նախաձեռնվելիք միջոցառումներին և հետագա ծրագրերին:
